4/28/08

Puma


Спортын хувцас, пүүз зэрэг спортын бараа бүтээгдэхүүн үйлвэрлэлээрээ дэлхийд тэргүүлэгч Германы алдар Puma AG Rudolf Dassler Sportкомпанийг 1948 онд Рудольц Дасслер үндэслэн байгуулжээ.

Тус компанийг хөл бөмбөгийн өмсгөл буюу шокс үйлдвэрлэлээр нь андахгүй болов уу. Тус компани алдарт хөл бөмбөгчид болох Pelé, Eusébio, Johan Cruijff, Enzo Francescoli, Diego Maradona, Lothar Matthäus, Kenny Dalglish, Didier Deschamps, Gianluigi Buffon нарын ивээн тэтгэгчээр ажилладаг.

Үүнээс гадна 2008 оны Бээжингийн Олимпийн эрэгтэйчүүдийн 100 м, 200 м, 4х100 м-ийн гүйлтийн дэлхийн рекордыг эвдсэн Ямайкийн тамирчин Юсайн Болтын ивээн тэтгэгчээр ажилладаг юм байна.

1996 оноос АНУ дахь үйл ажиллагаагаа эрчимжүүлэхийн зэрэгцээ 1968 онд анх үйлдвэрлэж эхэлсэн сагсан бөмбөгийн илгэн пүүз нь АНУ-д нилээд алдартайд тооцогддог юм байна.

2007 оноос Францын тансаг бараа бүтээгдэхүүн үйлдвэрлэлийн “PPR”-д (Pinault-Printemps-Redoute) нэгдэн орж үйл ажиллагаагаа явуулж байгаа ажээ.

www.puma.com


Read more...

4/18/08

Үнэртэй усны сонголт хайртай хүнээ сонгохтой дүйцдэг

http://www.setguul.mn/newsimg/Perfume_Bottles.jpgАнхилуун, тансаг сүрчиг ханхлуулан өнгөрч байгаа хүн хэнд ч муухай сэтгэгдэл төрүүлэхгүй нь мэдээж. Хүнийг хувцсаар нь угтаж, ухаанаар нь үддэг гэдэг үг сүүлийн үед үнэртэй усны үнэрээр солигдох болсон.Үнэртэй ус нь зөвхөн эмэгтэй хүний хэрэглээ биш. Эрчүүд ч тохирсон усаа хэрэглэх нь эрхэмсэг бардамын илэрхийлэл болдог.

Өөртөө анхаарал тавьдаг бүсгүй дундажаар 5-6 төрлийн үнэртэй устай байх нь эрхэмсэг хэрэглээ гэнэ. Нэг усыг бүтэн жилийн турш түрхээд байвал өдөр бүр гурилтай шөл идэж байгаагаас ялгаагүй. Тиймээс боломжтой үедээ үнэртнээ сольж, олон төрлийг хослуулан хэрэглэх нь бүсгүйчүүдийн нэг илэрхийлэл болдог байна. Харин хамгийн чухал нь сонголт. Өөрт тохирсон бас таалагдсан үнэртнээ сонгох нь хайртай хүнээ сонгохтой адил гэж үзсэн байдаг. Тиймээс ч үнэрлэх мэдрэмжийг жинхэнэ утгаар нь шалгадаг зүйл бол сүрчигний сонголт. Өөрт таалагдсан үнэртэй усыг сонгох гэж толгойгоо өвтгөж, хамрынхаа чадварыг шалгахын оронд зүгээр л бугуйндаа түрхээд үзчих. Гарын арьс нь үнэрийг ямар нэг өөрчлөлтгүй хүргэдэг хамгийн найдвартай туслагч чинь байх болно. Харин үрж болохгүйг анхаараарай. Бас үнэрлэх мэдрэмж сэргэг байдаг үдээс өмнө үнэртнээ сонговол зүгээр. Сонгосон ус зөвхөн таных гэдгийг мэдрэхийн тулд нэг шөнийг “хамт өнгөрөөх хэрэгтэй” гэдэг. Өөрөөр хэлбэл түрхсэнээс хойш өөр ямар нэг үнэртэй холилгүй аль болох удаан байлгах хэрэгтэй. 2-4 цагийн дараа үнэртэй усны жинхэнэ үнэр нь мэдрэгдэг байна. Хүмүүс сүрчиг худалдан авахдаа савных нь өнгийг нь тэр бүр анзаардаггүй. Тэгвэл хөх өнгөтэй ус хэрэглэвэл зөн совин сайжирдаг байна. Харин ногоон өнгө байгалийн эрч хүч, бодисын солилцооны өнгө учраас сэтгэл санааг дээшлүүлж эрч хүчийг нэмэгдүүлдэг. Алтлаг өнгийн савтай сүрчиг нь ухаалаг, хүчтэй, бүхнийг хяналтандаа байлгагчдыг илтгэдэг аж. Нэр төр, тачаангуй байдлыг эрхэмлэгчид улаан өнгөтэй усыг сонгож болох юм. Ягаан өнгө нь мэдрэмтгий, эмзэг, эмэгтэйлэг шинжийг өөртөө агуулдаг бол цагаан өнгө цэвэр ариун сэтгэлийг бэлгэддэг. Хар өнгө томоохон өөрчлөлтийг илэрхийлдэг байна.

Хамгийн тохиромжтой нь чихний ар тал
Үнэртэй усыг хаанаа түрхэх вэ? Нарийн дэг журам гэж байхгүй ч зохимжтой газар түрхвэл үнэрээ удаан хадгалахаас эхлээд олон талын ач холбогдолтой юм. Үнэртэй уснаас харшил авдаг арьстай бол хувцсандаа багахан түрхэхэд ямар ч асуудалгүй.
Харин үнэртэй ус чинь тослог ихтэй бол хувцсанд чинь толбо үүсгэх аюултайг анхаарах хэрэгтэй. Ер нь үнэртэй усны “байх” хамгийн тохиромжтой цэг бол чихний ар тал. Бас эгэмний хонхор, хүзүү, бугуйны нугалаа, алганы хонхор, хөхний хооронд түрхэж болно. Хүний биеийн дулаанаар өдөөгдөж тансаг үнэрээ түгээдэг болохоор аль болох биендээ түрхэх хэрэгтэй. Хэрэглэдэг усаа ганцхан удаа шүршихэд л хангалттай. Их түрхснээр сайхан үнэр нэмэгдэнэ гэж байхгүй, харин ч хүмүүсийн дургүйг хүргэж магадгүй. Торгон материалтай хувцас сүрчигний үнэрийг удаан тогтоодоггүй тул жижиг хөвөн ноосон даавуунд сүрчгээ шингээгээд энгэр захны дотор талд хадах буюу халаасандаа авч явна. Сүрчиг түрхэх хэмжээг тааруулах нь тун чухал. Хуурай хүйтэн агаарт сүрчгийн үнэр амархан дарагддаг тул өвлийн улиралд ахиухан түрхдэг. Харин чийглэг дулаан улиралд хүчтэй мэдрэгдэх учраас бага, хөнгөхөн түрхэх хэрэгтэй. Өрөөнөөс гарч явсны дараа тасалгаанд үнэртэхгүй байхаар тохируулах нь хэрэглээний соёлд нийцнэ.

Үнэртэн ч улирал харгалздаг
Үнэртний сонголтод улирал нөлөөлдөг байна. Өвлийн улиралд хурц үнэртэнг сонгодог бол зун сэрүүн мэдрэмж төрүүлэх уснуудыг олон удаа түрхдэг.
Өвөл :Хүйтэн сэрүүн нөхцөл нь усны үнэрийг дарангуйлдаг. Тиймээс өдөрт усаа дахин сэргээх хэрэгтэй. Ер нь өвлийн улиралд хурц үнэртэй уснууд тохиромжтой аж. Энэ улиралд Chanel- 5-ын ус хамгийн тохиромжтой сонголт гэнэ шүү.
Хавар : Бараан өнгөтэй, зузаан хувцсанаасаа салдаг энэ үед цэцгийн үнэртэй уснууд илүү зохимжтой аж. Цэцэгсийн үнэр нь хаврын өөдрөг сэтгэл, урам зоригийг нэмэх бөгөөд “Dolce&Gabbana”-гийн уснууд хаврын хамгийн зөв сонголт.
Зун: Халууны улиралд хүний арьс ердийнхөөс илүү их тослог ялгаруулдаг. Өвлийн улиралд үнэртэнг олон удаа түрхдэг бол зун эсрэгээрээ нэг л удаа түрхэхэд хангалттай.
Ингэхдээ төрөл бүрийн цэцэг, жимсний үнэртэй ус хамгийн зөв сонголт байх болно. Спирт агуулах үнэртнээс зун татгалзах хэрэгтэй.
Намар: Жилийн энэ улиралд хүмүүс илүү романтик, сэтгэл санаа тогтворгүй гэгэлзүүр болдог. Тиймээс илүү зөөлөн, мэдрэмтгий үнэр таалагддаг. Тухайлбал, лаванда цэцэг, намрын жимсний үнэртэй ус тохиромжтой. Намрын гайхалтай мэдрэмжийг “Christian Dior”-ийн уснууд мэдрүүлнэ.

Зан ааш ба үнэртэй ус
Орчин үеийн моод гэхээсээ илүү тохирсон үнэртнээ хэрэглэх нь хамгийн зөв сонголт болно. Үүний зэрэгцээ хэрэглэж байгаа үнэртэн нь тухайн бүсгүйн зан аашийг тодорхойлдог байна.
v Lanүin – “Oxygene”, “Mexx For Woman”, “Kenzo” зэрэг үнэртэнг тамирчин бүсгүйчүүд сонгодог. Эдгээр үнэртнүүд нь далайн үнэр, талын цэцэгс, нялх ногооны үнэрийг санагдуулсан анхилуун зөөлөн үнэртэй байдаг.
v Харин хөнгөн ааштай, инээд муутай хүмүүс хурц, исгэлэн, аагтай үнэр сонгодог. Dolce & Gabbana, “Moschino”, “I Love” зэрэг үнэртэй ус тэдэнд таалагддаг.
v “Романтик” буюу мөрөөдөгч, хайр, дурлалын адал явдалд дуртай хүмүүс уяхан, зөөлөн анхилуун цэцгийн үнэртэнг сонгодог. “Ghost - Cherish”, “Escada” үнэртэй усыг сонгох нь тэдний онцлогийг тодотгож өгдөг.
v Өндөр өсгийтэй шаахайгаар гангарч, хурц тод өнгөөр уруулаа буддаг галзуу бүсгүйчүүчэд “Agent Proүocateur”, “Bright Crystal”, “Prada” зэрэг дорнын тансаг үнэр, цэцэгс моддын анхилуун үнэртэй ус илүү тохирно.
v Амттанд дурлагчид буюу чихэр шоколадад “нугасгүй” хүмүүс “Hugo Boss”, “Lolita Lempicka Summer “ зэрэг үнэртэнд дуртай байдаг. Нялуун чихэрлэг үнэртэй ус бол тэдний сонголт.


Read more...

nokia


http://xpressmusic.files.wordpress.com/2008/04/nokia_logo2.jpg
Read more...

Versace



“Gianni Versace S.p.A” буюу “Versace Group” нь 1978 онд Жани Версачегийн үндэслэн байгуулсан Италийн алдартай загварын компани юм.

Тансаг хэрэглээг эрхэмлэдэг хэн бүхэнд зориулан “тансаг” гэх тодотголтой хувцас, үнэртэн, гоёл чимэглэлийн зүйлс, гоо сайхны бүтээгдэхүүнээс эхлээд гэр ахуйн бүхий л тавилга, тансаг бүтээгдэхүүнийг үйлдвэрлэдэг “Versace Group” нь өдгөө дэлхийн тэргүүлэх загварын ордуудын нэгд зүй ёсоор тооцогддог.


Read more...

BMW


Bayerische Motoren Werke AG” буюу Англиар Bavarian Motor Works компани нь 1916 онд байгуулагдсан авто машин, мотоцикль үйлдвэрлэлээрээ тэргүүлэгч Германы томоохон компани билээ.

“Тансаг” зэрэглэлийн брэндүүд болох “MINI”, “Rolls-Royce” зэрэг брэндүүдээрээ алдартай юм. 2001 оноос Английн алдарт “MINI” брэндийг, харин 2003 оноос “Rolls-Royce Motor Cars”-ыг тус тус компанийхаа салбар “охин” компани болгожээ. “Rolls-Royce Motor Cars” компанийг 1906 онд Хэнри Роис болон Чарлес Роллс нар үндэслэн байгуулсан ажээ.

“Mini”-г анх 1959-2000 онуудад Английн “British Motor Corporation (BMC) компани үйлдвэрлэж байсан түүхтэй юм байна.

Тус компани 107.000 гаруй ажиллагсадтай, 56 сая гаруй еврогийн орлоготойгоор үйл ажиллагаагаа явуулдаг бөгөөд дэлхийн хамгийн их орлоготой компаниудын тоонд зүй ёсоор тооцогддог байна.

www.bmw.com


Read more...

Nike


“Nike” нь спортын хувцас, тэдгээрийг дагалдах бараа бүтээгдэхүүний үйлдвэрлэлээрээ тэргүүлэгч АНУ-ын Орегон мужаас гаралтай томоохон компаниудын нэг юм.
Тус компани спортын хувцас, пүүзний дэлхийд тэргүүлэх нийлүүлэгч төдийгүй дэлхийн спортын тоног хэрэгслийн гол үйлдвэрлэгч юм.

2008 оны байдлаар “Nike” компани дэлхий дахинаа 30.000 гаруй хүнийг ажлын байраар хангажээ.

Орегон мужийн өдөр тутмын сонин болох “The Oregonian”-д бичсэнээр “Nike” нь “Fortune” сэтгүүлээс жил бүр эрхлэн гаргадаг АНУ-ын Топ 500 дээгүүр орлоготой корпорацуудын “Fortune 500” жагсаалтад Орегон мужид төв оффис нь байрлалтай хоёр компаний нэг болжээ.

Тус компанийг 1964 оны 1-р сарын 25-ны өдөр Виллиам Жэй. “Билл” Бауэмэн (William J. Bill Bowerman) болон Филип Эйч. Найт (Philip H. Knight) нар “Blue Ribbon Sports” нэртэйгээр байгуулсан бөгөөд 1972 оны 2-р сард анхны “Nike” пүүзийг үйлдвэрлэн гаргаснаас хойш 6 жилийн дараа 1978 онд албан ёсоор “Nike Inc.” хэмээн нэрийджээ.

“Nike” нь “The goddess of victory” буюу “Ялалтыг ивээгч дарь эх” гэсэн утгатай Грек үг юм байна.

Эдгээрээс гадна тус компани “Niketown” хэмээн нэрлэдэг өөрийн нэрийн дэлгүүрүүдээр дамжуулан бүхий л бараа бүтээгдэхүүнээ дэлхийн өнцөг булан бүрт худалдаалдаг төдийгүй дэлхийн томоохон спортын баг, тамирчдын ивээн тэтгэгчээр ажилладаг байна.


Read more...
  • wefw

Та манай
Web Site Hit Counters
дахь зочин

  • бсыба